ഇന് ഗോസ്റ്റ് ഹൗസ് ഇന്, അടി കപ്യാരേ കൂട്ടമണി, രോമാഞ്ചം, പ്രകമ്പനം, ഹലോ മമ്മി തുടങ്ങിയ സിനിമകള് പോലെ പ്രേക്ഷകരെ പേടിപ്പിച്ച് ചിരിപ്പിക്കാന് ഹൊറര് കോമഡി ചിത്രം 'മഹാരാജ ഹോസ്റ്റല്' ഒടിടിയിലെത്തി. ആമസോണ് പ്രൈം, ആഹാ ഒടിടി പ്ലാറ്റ്ഫോമുകളിലാണ് ചിത്രം സ്ട്രീമിംഗ് ആരംഭിച്ചിരിക്കുന്നത്. അഖില് എന്ആര്ഡി, അഖില് ഷാ, ശരത്ത്, സന്ദീപ് എന്നിവര് ഒന്നിച്ച ചിത്രം തിയേറ്ററുകളില് ശ്രദ്ധ നേടിയിരുന്നു.
ഫാഷന്റേയും രുചിയുടേയും ഫ്രീഡത്തിന്റേയും ചില്ലിങ്ങിന്റേയും ലോകത്തെത്താന് എഞ്ചിനീയറിംഗ് പഠനം തിരഞ്ഞെടുക്കുന്ന കുറച്ച് കൂട്ടുകാരും അവര് ഒപ്പിക്കുന്ന രസകരമായ സംഭവങ്ങളും അതിനിടയിലെത്തുന്ന ഒരു അപ്രതീക്ഷിത അതിഥിയുമൊക്കെയായാണ് സിനിമയുടെ ഇതിവൃത്തം. ഒരു ഫണ് വൈബില് ആഘോഷ മൂഡില് അല്പ്പം പേടിച്ചിരുന്ന് കാണാനുള്ളതെല്ലാം ചിത്രത്തിലുണ്ട്.
ചിത്ര നായര്, സജിന് ചെറുകയില്, ആന് മരിയ എന്നിവരാണ് ചിത്രത്തിലെ മറ്റ് പ്രധാന താരങ്ങളായെത്തുന്നത്. നഗരത്തിലെ പ്രേതാലയം പോലെയുള്ള ഒരു ഹോസ്റ്റലിന്റെയും അവിടുത്തെ എംജിആര് എന്ന ഹോസ്റ്റല് വാര്ഡന്റേയും അവിടെ താമസിക്കാനെത്തുന്ന സുഹൃത്തുക്കളുടേയും സംഭവ ബഹുലമായ കഥയാണ് ചിത്രം പറയുന്നത്.
ചാരുചിത്ര പ്രൊഡക്ഷന്സ്, മധുമിത പ്രൊഡക്ഷന്സ് & മണ്സൂണ് ടെയില്സ് എന്നീ ബാനറുകളില് കരുമുരു രഘുരാമു, ചാര്വാക ബ്രഹ്മണപ്പള്ളി, രമ്യ വെമൂലപടി, രാഹുല് മൊപിദേവി, സായ് പ്രകാശ് ഭുവനഗിരി എന്നിവര് ചേര്ന്നാണ് സിനിമയുടെ നിര്മ്മാണം നിര്വ്വഹിച്ചിരിക്കുന്നത്. രചന, സംവിധാനം: ചാരു വാക്കന്, ഛായാഗ്രഹണം & എക്സിക്യൂട്ടീവ് പ്രൊഡ്യൂസര്: അഷ്കര്, സംഗീതം: അശ്വിന് റാം, എഡിറ്റിംഗ്: നിതീഷ് മിശ്ര, സംഭാഷണം: രാജ, ക്രിയേറ്റീവ് പ്രൊഡ്യൂസര്: ശാലിനി നമ്പു, ലൈന് പ്രൊഡ്യൂസര്: വിജയ് പിഡാപ്പ, സന്ദീപ് മന്ത്രാല, മേക്കപ്പ്: റഷീദ് അഹമ്മദ്, ആര്ട്ട് ഡയറക്ടര്: വേലു വാഴയൂര്, അഡീഷണല് സ്ക്രീന് പ്ലേ: അഷ്കര് അലി, രാജ, അമാന് മെഹര്, ഗാനരചന: ജിഷ്ണു എം നായര്, ഹരിത ഹരിബാബു, കോസ്റ്റ്യൂം: സരിത സുഗീത്, പ്രൊജക്ട് ഡിസൈനര്: ശശി പൊതുവാള്, സ്റ്റണ്ട്: അഷ്റഫ് ഗുരുക്കള്, സൗണ്ട് ഡിസൈന് ആന്ഡ് ഫൈനല് മിക്സ്: ഷൈജു എം, ചീഫ് അസ്സോസിയേറ്റ് ഡയറക്ടര്: ഡുഡു ദേവസി, സ്റ്റില്സ്: കാഞ്ചന്, ടൈറ്റില് പബ്ലിസിറ്റി ഡിസൈന്: അജിന് മേനക്കാത്ത്, സൂരജ് സൂരന്, പിആര്ഒ: ആതിര ദില്ജിത്ത്.
Content Highlights: 'Maharaja Hostel', a film offering pure fun and horror, has started streaming on OTT